தோழர்களே... சொசைட்டிபற்றி அவதூறு பிரச்சாரம் செயதவர்களுக்கு, ஆணித்தரமான ஆதாரங்களுடன் பதில். தோழர் மதிவாணன் அளித்த நேர்காணல்.. அனைவரும் முழுமையாக பார்த்து தெளிவடைய வேண்டுகிறோம். நன்றி.

 நான் ‘டாட்ஸ் மீடியா’ ஊடகத்தில் நடத்திய நேர்காணல் காணொளி மே-19 அன்று வெளியானது. இந்த நிமிடம் வரை அதனை பல்லாயிரக் கண்காணோர் கண்டுள்ளனர் . பலர் பாராட்டுகின்ற அதேவேளையில் சிலர் விமர்சனம் செய்தும் வருகின்றனர் . எது எப்படியோ எனது கருத்து- உண்மையான நிலவரம் பொதுவெளியில் மிக அதிக அளவில் பகிரப்படுவதில் மகிழ்ச்சி. எனது வற்புறுத்தலை தாமதமாகவேனும் ஏற்று என் மீதும் , NFTE - BSNL சங்கத்தின் மீதும் தனிப்பட்ட முறையில் சுமத்தப்பட்ட பொய்யான குற்றச்சாட்டுகளுக்கு எனது விளக்கத்தை அளிக்க வாய்பளித்த ‘ டாட்ஸ் மீடியா’ ஊடகத்திற்கு எனது மனமார்ந்ந நன்றி. 

ஒரு நண்பர் எனது நேர்காணல் குறித்து பதிவிடுகையில் “எந்த வக்கீலும் பீஸ் வாங்காமல் வாதாடுவதில்லை “ என கலாய்த்து உள்ளார் . அவர் சமீபத்தில் வெளியான ‘ ஜெய் பீம் ‘ படத்தில் வரும் நாயகன் ( வக்கீல்) உதாரணத்தை மறந்து விட்டார் போலும் . தவிர என் மீதான அவதூறு - அபாண்டமான குற்றச்சாட்டுகளுக்கு நான் விளக்கம் தருவதற்கு எனக்கு நானே பீஸ் தரவேண்டுமா என்ற சாதாரண அறிவு கூட அந்த நபருக்கு இல்லாமல் போனது அவருக்கு என் மீதுள்ள எல்லை இல்லா காழ்ப்புணர்ச்சியையும் குரோத மனப்பான்மையையும் காட்டுகிறது. இந்த கும்பல் பல ஆண்டுகளாய் கட்டி எழுப்பிய பொய்க் கதைகள் எனது ஒரே ஒரு நேர்காணலின் மூலம் தவிடுபொடியாகி தரைமட்டமானதால் அவர்களுக்கு என் மீது ஏற்பட்ட கடுங்கோபம் எனக்கு புரிகிறது. 

           எனக்குள்ள ஒரே கவலை இந்த பிரச்சனையினால் மிகவும் அதிகமாக பாதிக்கப்பட்டுள்ள சுமார் 6500 ஓய்வு பெற்ற ஊழியர்களுக்கு விரைவாக அவர்களுக்கு சொசைட்டியிலிருந்து கிடைக்க வேண்டிய  தொகையை பெற்றுத் தரவேண்டும் என்பது மட்டும் தான் . எனது தீர்வினை அனைவரும் ஏற்று நடைமுறை படுத்த ஒப்புக் கொண்டால் இரண்டே மாதங்களில் எல்லா பிரச்சனைக்கும் தீர்வு காண இயலும் . அதை விடுத்து இந்த பிரச்சனை தீர்ந்து விடாமல் பார்த்துக் கொள்ள முயலும் ஒரு கூட்டம் உள்நோக்கத்துடன் தடைகளை ஏற்படுத்த நினைத்தாலும் அவர்களின் முயற்சிகளை கூட்டுறவு சொசைட்டியின் நிர்வாகம் நிச்சயமாக முறியடிக்கும் என நான் உறுதியாக நம்புகிறேன் . இதற்காக  NFTE - BSNL  சங்கம் அனைத்து உதவிகளையும் சொசைட்டியின் இயக்குனர் குழுவுக்கு செய்ய தயாராக உள்ளது.

சி. கே. மதிவாணன் 

மாநிலச் செயலாளர் 

NFTE-BSNL 

சென்னை தொலைபேசி . 

@ Haripad , KERALA

அபிமன்யூ நடத்தும் இந்த நாடகம் அந்த மேடையில் எத்தனை நாளைக்கு ?

 

மறுபடியும் ஆர்ப்பாட்டம் , தார்ணா, டுவிட்டர் பிரச்சாரம் , நாடாளுமன்ற உறுப்பினர்களை சந்திப்பது - அவர்களிடம் மனுக்கள் சமர்ப்பித்தல் என “ஏயூஏபி “ கவைக்கு உதவாத இயக்கங்களை ஊழியரை ஏமாற்றவே அறிவித்துள்ளது.

தொழிற்சங்க அங்கீகாரத்திற்கான ஒன்பதாவது தேர்தல் எதிர்வரும் அக்டோபரில் நடைபெற உள்ளதால் அதுவரை அபிமன்யூ இதுபோன்ற சாகசங்களை - நாடகங்களை அரங்கேற்ற ஏயூஏபி அமைப்பை பயன்படுத்துவார் என்பதில் எனக்கு சந்தேகம் இல்லை.

மூன்றாவது ஊதிய மாற்றம் பற்றிய சரியான புரிதல் இன்னமும் ஏயூஏபி தலைமைக்கு இல்லை . அதிகாரிகளுக்கு 15 சதவிகித ஊதிய உயர்வை சில ஆண்டுகளுக்கு முன்னரே மத்திய அரசின் அனைத்து பொதுத்துறை நிறுவனங்களில் பணியாற்றும் அதிகாரிகளின் ஊதிய உயர்வுக்காக மத்திய அரசு அமைத்த Pay Revision Committee ( PRC) பரிந்துரைத்து விட்டது. அந்த புதிய சம்பள விகிதங்கள் பிஎஸ்என்எல் போன்று இலாபத்தில் இயங்காத ஒரு சில நிறுவனங்களில் மட்டும் தான் இன்றுவரை அமுல்படுத்தப் படவில்லை. ஊதிய உயர்வு அமுலாக சம்பந்தப்பட்ட நிறுவனம் தொடர்ச்சியாக மூன்றாண்டு இலாபத்தில் இயங்கி இருக்க வேண்டும் எனும் PRC விதித்த நிபந்தனை

( Affordability condition) காரணமாகத் தான் பிஎஸ்என்எல் நிறுவனத்தில் பணிபுரியும் அதிகாரிகளுக்கு PRC பரிந்துரைத்த 15% ஊதிய உயர்வு இன்னமும் அமுலாகவில்லை . எப்போது அது அமுலானாலும் அதிகாரிகளுக்கு 15 % சதவிகித ஊதிய உயர்வு நிச்சயமாக கிட்டும். இதனை மாற்றவோ - குறைக்கவோ பிஎஸ்என்எல் நிறுவனத்தின் நிர்வாகத்திற்கு அதிகாரம் கிடையாது.

2016 ஜனவரியில் நமது நிறுவனத்தில் பணியாற்றும்

I T S அதிகாரிகளுக்கு மத்திய அரசு ஊழியருக்காக அமைக்கப்பட்ட ஏழாவது ஊதியக் குழு பரிந்துரைத்தபடி ஊதிய உயர்வு அமுலாக்கப்பட்டது. இத்தனைக்கும் அப்போது பிஎஸ்என்எல் நிறுவனம் இலாபத்தில் இயங்காத சூழல். அதுபோலத் தான் PRC பரிந்துரைத்த 15% ஊதிய உயர்வு நமது நிறுவன அதிகாரிகளுக்கு நிச்சயமாக அமுலாகும் . இந்த பின்னணியில் அபிமன்யூ நமது ஊழியர்களுக்கு முன்பு பூஜ்ய சதவிகித ( Zero Percentage Fitment) ஊதிய உயர்வு நிர்ணயம் கோரியதும் பின்னர் அதற்கு நாடெங்கும் கடுமையான எதிர்ப்பு கிளம்பியதும் அவர் அந்தர்பல்டி அடித்து ஐந்து சதவிகித ஊதிய உயர்வை கோரியதும் அவருக்கு நமது ஊழியர்களின் ஊதிய உயர்வு கோரிக்கை குறித்த போதாமையும் தடுமாற்றமும் தெளிவாக நிரூபிக்கப்பட்டது. இப்படிப்பட்ட ஒருவரின் தலைமையில் செயல்படும் ஏயூஏபி அமைப்பு எப்படி நமது ஊழியருக்கு ஊதிய மாற்றத்தை பெற்றுத் தரும் ?

2009 ல் இதே உதவாக்கரைகள் தனித்து கையெழுத்திட்ட 01-01-2007 முதல் அமுலான இரண்டாவது ஊதிய உயர்வு ஒப்பந்தத்தில் இவர்கள் ( நம்பூதிரி , அபிமன்யூ) படுமோசமாக சொதப்பியதால் தான் நமது ஊழியர்கள் கடந்த 15 ஆண்டுகளாய் பெரும் நட்டத்திலும் மன உளைச்சலிலும் அவதிப்படுகின்றனர் . ஊதிய உயர்வு ஒப்பந்தத்தின் காலக்கெடுவை ஐந்தாண்டுக்கு ஒருமுறை என்று இருந்ததை பத்தாண்டுக்கு ஒருமுறை என மாற்றிய மகாபுத்திசாலிகள் . அந்த காலகட்டத்தில் மற்ற பொதுத்துறை நிறுவன தொழிற்சங்கங்கள் எல்லாம் ஐந்தாண்டுக்கான ஊதிய உயர்வு ஒப்பந்தத்தை 78.2 சதவிகித கிராக்கிப்படி இணைப்புடன் கையெழுத்திட்ட நிலையில் பிஎஸ்என்எல் நிறுவனத்தில் மட்டும் பத்தாண்டுக்கு ஒருமுறை ஊதிய உயர்வை பெற்றுக் கொள்ளவும் குறைவான 68.8 சதவிகித கிராப்கிப்படி இணைப்புடன் ஊதிய உயர்வை ஏற்று அப்போது அங்கீகரிக்கப்பட்ட ஒரே தொழிற்சங்கமாக இருந்த உதவாக்கரை சங்கத்தின் இந்த முட்டாள் தலைவர்கள் மிகவும் தவறான ஊதிய உயர்வு ஒப்பந்தத்தில் கையெழுத்திட்டனர் . இதனால் இன்றுவரை நமது ஊழியர்கள் இழந்தது பல நூறுகோடி ரூபாய் என்பது மிகவும் வேதனை அளிக்கும் உண்மை. இந்த நபர்களே மறுபடியும் நமது ஊழியர்களின் ஊதிய உயர்வு பற்றி பேசி முடிவெடுக்க அனுமதிப்பது தற்கொலைக்கு ஒப்பஈகும் . எனவே உதவாக்கரை BSNLEU சங்கத்தை படுதோல்வியுற செய்வோம் . அது மீண்டும் Main Recognised Union அந்தஸ்த்தை பெற்று விடாமல் தடுத்து நிறுத்துவோம். ஊழியர் நலனை எப்போதும் கண்ணின் மணிபோல பாதுகாக்கும் NFTE-BSNL சங்கத்தை வெற்றி பெறச் செய்திடுவோம் . Main Recognised Union அந்தஸ்த்தை நமது NFTE- BSNL அடைந்திட அயராது பாடுபடுவோம்.

சி. கே. மதிவாணன்

மாநிலச் செயலாளர்