Thursday, 31 May 2018

செய்திகள்



சட்டரீதியான போராட்டம் 

செல்கோபுரங்களைத் தனிநிறுவனமாகப் பிரிக்கும்
 அரசின் முடிவினை எதிர்த்து  அனைத்து சங்கங்களின் முடிவின்படி டெல்லி உயர்நீதிமன்றத்தில் AIBSNLEA, SNEA மற்றும் AIGETOA அதிகாரிகள் சங்கங்களின் சார்பாக வழக்குப் பதிவு செய்யப்பட்டது. இந்த வழக்கு 25/05/2018 அன்று விசாரணைக்கு எடுத்துக்கொள்ளப்பட்டது.  புதிய செல்கோபுரம் துணைநிறுவனம் ஆரம்பிப்பது என்பது நீதிமன்ற முடிவிற்கு உட்பட்டது 
என டெல்லி நீதிமன்றம் உத்திரவிட்டுள்ளது. 
 அடுத்த கட்ட விசாரணை 25/09/2018 அன்று நடைபெறும்.
------------------------------------------------------------------------------------------
தலைநகரில் ஆர்ப்பாட்டம் 
செல்கோபுரம் தனி நிறுவனம் ஆரம்பிக்கும்
 முடிவினை எதிர்த்து டெல்லியில் 24/05/2018 அன்று 
அனைத்து சங்க ஆர்ப்பாட்டம் எழுச்சியோடு நடைபெற்றது.
------------------------------------------------------------------------------------------
JCM கூட்டம்
 JCM தேசிய கூட்டாலோசனைக்குழுக் கூட்டம் 12/06/2018 
அன்று டெல்லியில் நடைபெறும் என அறிவிக்கப்பட்டுள்ளது. 
மேலும் JCM கூட்டங்கள் அகில இந்திய அளவிலும்… மாநில அளவிலும்…  மூன்று மாதங்களுக்கு ஒருமுறையும், 
மாவட்ட மட்டங்களில் இரண்டு மாதங்களுக்கு ஒரு முறையும் நடத்தப்பட வேண்டும் என CORPORATE அலுவலகம் உத்திரவிட்டுள்ளது.
------------------------------------------------------------------------------------------
 அகில இந்தியக் கருத்தரங்கம்
 மோடி அரசின் தொழிலாளர் விரோதக் கொள்கைகளைக் கண்டித்து அனைத்து மத்தியப் பொதுத்துறை சங்கங்களின் கருத்தரங்கம்
 30/05/2018 அன்று டெல்லியில் நடைபெறுகின்றது.
--------------------------------------------------------------------------------------

தூத்துக்குடி துப்பாக்கி சூடு

தூத்துக்குடியில் நடந்த துப்பாக்கிச்சூட்டினை கண்டித்து அனைத்து அதிகாரிகள் மற்றும் ஊழியர் கூட்டமைப்பின் சார்பாக கண்டன ஆர்ப்பாட்டம் பூக்கடை தொலைபேசி நிலைய வளாகத்தில் நடைபெற்றது.
--------------------------------------------------------------------------------------------------

மாவட்டச் செயலர்கள் பிரிவு உபசார விழா

மாவட்டச் செயலர்கள் தோழர்கள் நாகராசன் மற்றும் ஆறுமுகம் இவர்களது பிரிவு உபசார விழா மிக விமரிசையாக நடத்தப்பட்டது. விழாவில் தொழிற்சங்கத் தலைவர்கள் அதிகாரிகள் கலந்து கொண்டு சிறப்பித்தனர்.

No comments: