சென்னை தொலைபேசி அதிகாரிகள் மற்றும் ஊழியர் சங்கங்களின் சார்பாக இன்று எழுச்சி மிகு கருத்தரங்கம் நடைபெற்ரது. இந்த கருத்தரங்கத்திற்கு NFTE- BSNL சென்னை மாநிலச் சங்கம் ஏற்பாடு செய்திருந்தது.

காலை 10 மணிமுதலே ஆயிரக்கணக்கணக்கான தோழர்கள் கே.கே.நகர் தொலைபேசி நிலைய வளாகத்தில் நடைபெற்ற கருத்தரங்கில் பங்கேற்க திரண்டு வந்தவண்ணம் இருந்தனர். 

இந்த கருத்தரங்கத்தை தோழர்.சி.கே.மதிவாணன் மாநிலச் செயலர் NFTE- BSNL தலைமையேற்று நடத்தினார்.

இதனை துவக்கி வைத்து தோழர்.லிங்கமூர்த்தி  FNTO மாநிலச் செயலர் பேசினார். சகோதர சங்கங்கள் TEPU/ SEWA/ PEWA/ AIBSNLEA/ NFTCL தலைவர்கள் கலந்து கொண்டு சிறப்புரை ஆற்றினார்கள்.

கருத்தரங்கத்தில் முடிவில் கீழ்கண்ட தீர்மானம் ஒருமனதாக நிறைவேற்றப்பட்டது.


1. 15% ஊதிய உயர்வில் எந்த சமரசமும் கூடாது. 
அதிகாரிகளுக்கும் ஊழியர்களுக்கும் சம்பள அமைப்பில் எந்த முரண்பாடோ பாகுபாடோ இருக்கக் கூடாது.


2. கடந்த முறை கோட்டை விட்டது போல இல்லாமல், இந்த முறை அலவன்ஸ்களை பெற்றே தீர வேண்டும்.அதுவும் 01-01-2017 முதல் தேதியிட்டு தரப்படவேண்டும்.


4. ஊதிய மாற்றத்திற்கான தேதி 01-01-2017 முதல் இருக்க வேண்டும்

தோழர்.மதிவாணன் பேச்சில் முக்கிய பகுதியை காண இங்கே கிளிக் செய்க

செப்டம்பர் 19 – தியாகிகள் தினம் 

64000 ஊழியர்களுக்கு வேலைநீக்க கடிதம்…

12000 ஊழியர்களுக்கு சிறைவாசம்…

8000 ஊழியர்கள் மேல் வழக்கு…

7000 ஊழியர்கள் தற்காலிகப் பணி நீக்கம்

4000 ஊழியர்கள் கட்டாய வேலைநீக்கம்..

17 ஊழியர்கள் துப்பாக்கி சூட்டில் மரணம்…

இது நடந்தது…

ஆங்கிலேய ஆட்சியில் அல்ல…

அருமை இந்திய ஆட்சியில்….

 ------------------------------------------------------------------------------------------------

1968 செப்டம்பர் 19

மத்திய அரசு ஊழியர்களின்

வரலாற்றுச் சிலிர்ப்பு மிக்கப் போராட்டம்…

  ------------------------------------------------------------------------------------------------

அன்று…

மத்திய அரசு ஊழியர்களின் கோரிக்கை இதுதான்…

குறைந்த பட்ச ஊதியம்…

விலைவாசியை ஈடுகட்டுதல்…

வேலைநீக்கத்தை கைவிடுதல்…

ஒப்பந்த முறையை ஒழித்தல்….

விலைவாசிப்படியை அடிப்படைச்சம்பளத்துடன் இணைத்தல்..

பழிவாங்கப்பட்ட ஊழியர் மீதான நடவடிக்கைகளை ரத்து செய்தல்…

25 வருட சேவை முடித்தால் ஓய்வு என்ற நிலையைக் கைவிடுதல்…

மேற்கண்ட கோரிக்கைகளுக்காக

மத்திய அரசு ஊழியர்கள் நடத்திய வேலைநிறுத்தப்போரின்

50வது நிறைவு தினத்தை… நினைவு கூர்வோம்…

அவர்களது கோரிக்கைகள்

இன்றும்… தொழிலாளர் வர்க்கத்தின் கோரிக்கைகளாகவே

இருக்கும் கொடுமை மாற்றுவோம்….

ஊதிய மாற்றம் - சங்கங்கள் செய்ய வேண்டியது என்ன? கடந்து போன தவறுகளிலிருந்து பாடம் கற்றுக்கொள்வோமா??

ஊதிய மாற்ற பேச்சு வார்த்தை குழுவில் முதல்  அங்கீகாரம் பெற்ற சங்கமான BSNLEU சங்கத்திற்கு அதிகபட்சம் உறுப்பினர்கள் உள்ளனர். இரண்டாவது ஊதிய மாற்ற பேச்சு வார்த்தையில்  தனிப்பெரும் சங்கமாக BSNLEU பங்கேற்றது அனைவரும் அறிவர்.

மூன்று தவறுகள்

2009 பேச்சுவார்த்தையில் BSNLEU செய்த மூன்று தவறுகள், என்ன தெரியுமா தோழர்களே?

1. மத்திய அமைச்சரவை கிராக்கிப்படி IDA  78.2% கொடுக்கலாம் என்று கூறியிருந்தபோது  அது 68.2 சதவீதம் பெற ஒப்புக்கொண்டது. அந்த மாபெரும் தவறினால் ஒவ்வொரு தொழிலாளியும் 01-01-2007 முதல் 10-06-2013 முதல் மிகப்பெரும் தொகையை இழந்தான். சில நூறு கோடிகள்  அரியர்ஸ் தொகை நிரந்தரமாக இழக்கப்பட்டது.

2. இதர சலுகைகள் அதிகரிக்கப்படவில்லை. ( Perks and allowances ) . BSNL நிர்வாகம் இலாபம் வரும்போது சலுகைகள் பற்றி பேசலாம் என்ற ஏமாற்று பேச்சினை அப்படியே நம்பி அதனை BSNLEU ஏற்றுக் கொண்டது. இதன் பலனாக இன்றுவரை சுமார் 11 வருடங்கள் எந்த இதர சலுகைகளும் மாற்றப்படவில்லை. மாறாக அப்படியே இருக்கிறது.

3.BSNLEU சங்கம் ஊழியருக்கு 01-01-2007 முதல் நியாயமாக கிடைக்க வேண்டிய ஊதிய பலன்களை பெறாமல் 30 மாதங்கள் கழித்தே பெற்றது. 


மேற்கூறிய காரணங்களால் நமக்கு ஏற்பட்ட மோசமான அனுபவங்கள் அடிமட்ட தொழிலாளிமுதல் தலைவர்கள் வரை ஒரு பயத்தினை தோற்றுவித்துள்ளது என்றால் மிகையாகாது.

இதை தவிர நான்கு கட்ட பதவி உயர்வு NEPP ( Non Executive Punishment Policy) அதிகாரிகளுக்கும் ஊழியர்களுக்கும் இடையே அதிக முரண்பாட்டை  உண்டாக்கியது. 

ஆகையால இந்த தடவை நாம் மிக மிக மிக கவனமாக இருக்க வேண்டும் தோழர்களே. இதுவே அதிகப்படியான ஊழியர்கள் பலன் பெறும் கடைசி ஊதிய மாற்றம் ஆகும். அடுத்த ஊதிய மாற்றம் வரும் வருடம் 2027 ஆகும்.  

அகில இந்திய தலைமை என்ன செய்ய வேண்டும்?

1. 15% ஊதிய உயர்வில் எந்த சமரசமும் கூடாது. 
2. அதிகாரிகளுக்கும் ஊழியர்களுக்கும் சம்பள அமைப்பில் எந்த முரண்பாடோ பாகுபாடோ இருக்கக் கூடாது.
3. கடந்த முறை கோட்டை விட்டது போல இல்லாமல், இந்த முறை அலவன்ஸ்களை பெற்றே தீர வேண்டும்
4. ஊதிய மாற்றத்திற்கான தேதி 01-01-2017 முதல் இருக்க வேண்டும் 

ஒற்றுமை என்பது முக்கியமே 

அதற்காக 

ஊழியர்களின் நலனை காவு கொடுக்க கூடாது.

தோழமை வாழ்த்துக்களுடன்

சி.கே.மதிவாணன்
மாநிலச் செயலர் NFTE-BSNL
சென்னை தொலைபேசி
சென்னை>18-09-2018

காஞ்சி மாவட்டச் செயற்குழு

இன்று காஞ்சிபுரம் மாவட்டச் செயற்குழு கிண்டி சங்க அலுவலகத்தில் தலைவர் தோழர்.சோமசுந்தரம் தலைமையில் நடைபெற்றது. மாவட்டச் செயலர் ஏகாம்பரம் துவக்கவுரை ஆற்றி ஆய்படுபொருளை அறிமுகப்படுத்திப் பேசினார்.

தோழர்.இளங்கோவன், மாநில உதவிச் செயலர் நடைபெற இருக்கும் ஊழியர் உபரி பகிர்ந்தளிப்பு பற்றி நமது சங்க நிலைபாட்டை விளக்கிப் பேசினார்.

தோழர்.மதிவாணன் மாநிலச் செயலர் சிறப்புரை ஆற்றினார். அவர் தனது உரையில் தற்போதய ஊதிய குழு நிலைமையும் மத்திய அமைச்சரைவைக்கு DOT இடமிருந்து (relaxation from the Central Cabinet for implementing third wage revision) ஊதிய மாற்றத்திற்கான சிறப்பு சலுகை குறித்து கடிதம்  செல்லாதது பற்றி தனது கவலையையும்  தெரிவித்தார். மூன்றாவது ஊதிய மாற்றம் பெறுவதில் உள்ள தடைகற்களை உடைத்தால் மட்டுமே அனைவரும் பெற முடியும் அதுகுறித்து விவாதித்து மத்திய சங்கத்திற்கு நமது கருத்துக்களை தீர்மானமாக அனுப்ப வேண்டும். அதற்காக ஒரு சிறப்பு கருத்தரங்கம் ஏற்பாடு செய்யப்பட்டுள்ளது அதில் அனைவரும் கலந்து கொள்ளவேண்டும் என வேண்டுகோள்விடுத்தார்.

RE-DEPLOYMENT விஷயத்தில் ஊழியருக்கு பெரிய அளவில் பாதிப்பு ஏற்படாமல் அதே சமயத்தில்  உபரி ஊழியர் பகிர்ந்தளிப்பு நடைபெற நமது சங்கம் சரியான வழிகாட்டுதலை தரும் என்று கூறினார்.

கேரள புயல் பாதிப்பிற்கு மாநிலச் சங்கத்தின் சார்பாக குறைந்த பட்சம் ரூபாய் ஒரு லட்சம் தர இருப்பதாகவும் தோழர்கள் தாராளமாக நன்கொடை அளிக்க வேண்டும் என வேண்டுகோள் விடுத்தார்.

அனைத்து நிர்வாகிகள் கோட்டச் செயலர்கள் விவாதத்தில் கலந்து கொண்டனர். 

மாநிலச் சங்க நிர்வாகிகள் தோழர்.ஏழுமலை, செல்வராஜ் , பாட்ஷா மற்றும் NFTCL மாநிலத் தலைவர் பாபு ஆகியோர் கலந்து கொண்டு சிறப்பித்தனர்.சிறப்பு அழைப்பாளராக தோழர்.பாலாஜி கிண்டி கிளைச் செயலர் கலந்து கொண்டார். 

தோழர்.சத்யா நன்றி உரை கூறி கூட்டத்தை முடித்து வைத்தார்.

மாவட்டச் செயற்குழு கூட்டம்

தலைமை:N.V.சோமசுந்த்ரம்

நாள்: 18-9-18 செவ்வாய்க் கிழமை

                 நேரம்: காலை 11 மணி

இடம்: சங்க அலுவலகம், கிண்டி

சிறப்புரை: சி.கே.மதிவாணன் 

மாநிலச் செயலர்

நிகழ்ச்சி நிரல்

1. ஊழியர் உபரி பகிர்ந்தளிப்பு (Re-deployment)

2. கோட்ட மாநாடுகள் - தேதிகள் முடிவு

3. அகில இந்திய செயற்குழு

4 , மூன்றாவது ஊதிய உயர்வு - தற்போதய நிலை

5. இன்ன பிற தலைவர் அனுமதியுடன்

அனைத்து மாவட்டச் சங்க நிர்வாகிகள், கோட்டச் செயலர்கள், சிறப்பு அழைப்பாளர்கள் அனைவரும் தவறாமல் குறித்த நேரத்தில் பங்கேற்க வேண்டும்.

-S. ஏகாம்பரம்

மாவட்டச் செயலர்.

ஏன் இந்த அவசரம்?

சில தோழர்கள் இன்னும் ஊதிய பேச்சு வார்த்தை முடிந்து 15 சதவீதம் நிர்ணயம் பற்றி எந்த முடிவும் எடுக்காத சூழலில் “உங்களுக்கு எவ்வளவு புதிய சம்பளம் கிடைக்கும்” என்ற கணக்கு வழிமுறைகளை கூறியுள்ளனர். ஏன் எதுவுமே முடியாத போது இவ்வாறு ஒரு எதிர்பார்ப்புக்கு ஊழியர்களை உள்ளாக்குவது சரியா?. கோழி முட்டை இடுவதற்கு முன் எவ்வளவு முட்டை போடும் என்று எண்ணுவது போல் இது உள்ளது.

இதனால் ஊழியர்கள் நிச்சயமாக குழப்பம் அடைவார்கள். நம்முடைய பெரிய தடை இதுவரை மத்திய அமைச்சரவை  “தொடர்ச்சியாக மூன்று வருடம் லாபத்தில் இயங்காவிட்டாலும் BSNL -நிர்வாகம் புதிய சம்பள விகிதம் அமைப்பதில் எந்த சிக்கலும் இல்லை” என்ற முடிவினை எடுக்கவில்லை. கடந்த முறை நாம் நிர்வாகத்தை சந்தித்தபோது DOT இதற்கான குறிப்பினை தயாரித்து அமைச்சரவைக்கு 30-03-2018க்குள் அனுப்பிவிடும் என்ற நம்பிக்கையை கொடுத்தது. ஆனால் இதுவரை இந்த குறிப்பு அனுப்பப்படவில்லை என்பதே நிஜம். 
இந்த சூழ்நிலையில் இதற்கு அமைச்சரவை எத்துணை நேரம் எடுத்துக் கொள்ளும் என்று தெரியவில்லை. இந்த நிலைமையில் “இந்தா கணக்கீடு, உனக்கு அடிப்படை சம்பளம் இவ்வளவு, பார்த்துக் கொள்”என்று கூறுவது எந்த விதத்தில் சரியாக இருக்கும் என்று தெரியவில்லை.

அதற்கு பதிலாக் நாம் ஊழியரை திரட்டி தேவையில்லாமல் தாமதம் ஆகும் புதிய சம்பள விகிதம் மற்றும் சலுகைகள் 1-1-2017 முதல் பெற போராட வேண்டும். அதற்கு நாம் தயாராகவேண்டும். சங்கங்கள் இதற்காக கூட்டங்கள் மற்றும் போராட்ட யுக்திகளை தயார் செய்வது மட்டுமே இந்த சமயத்தில் சரியான ஒன்றாய் இருக்கும்.


தோழர்.சி.கே.மதிவாணன், மாநிலச் செயலர், சென்னை தொலைபேசி, 16-09-2018

அபிமன்யூவின் ஆட்சேபம்?

கடந்த 07-09-2018 அன்று BSNL  நிர்வாகம் அனைத்து மட்டங்களிலும்  எப்படி கவுன்சில்களை நடத்த வேண்டும் என்பதற்கு ஒரு கடிதத்தின் மூலம் வழிகாட்டுதலை கொடுத்துள்ளது. ஆனால் 14-09-18  அதனை முழுவதுமாக ஆட்சேபித்து BSNLEU  பொதுச் செயலர் அபிமன்யூ ஒரு கடிதம் மூலம் நிர்வாகம்  கொடுத்த கடிதத்தை திரும்ப பெற வேண்டும் என்று வலியுறுத்தி உள்ளார்.. ஏன்?


கவுன்சில்கள் என்பது சுதந்திரமான ஒரு அமைப்பு அதில் நிர்வாகம் தலையிட வேண்டிய அவசியல்லை. இருப்பினும் ஏன் கடிதம்? ஏனென்றால் BSNLEU சங்கம் எப்போதும் போல தனது சங்கம்தான் முதன்மை அங்கீகாரம் பெற்ற சங்கம், தானே எல்லா முடிவுகளையும் எடுப்பேன் என்ற பல்லவிபாடி வருகிறது. பல இடங்களில் ஊழியர் தரப்பு தலைவரை ( NFTE nominee)  புறக்கணிப்பது என்பது வாடிக்கையாக உள்ளது.

BSNLEU சங்கம் நம்முடைய பிரச்சனைகள் எதுவும் கேட்காது தனது சங்கத்தின் பிரச்சனைகளை மட்டும் கடிதத்தில் குறிப்பிட்டு அனுப்பி வருகிறது. இது சரியல்ல என்று நாம் கூறிவந்தோம்.  அது மட்டுமல்ல... கவுன்சிலின் குறிப்பின் நகல் கூட நமக்கு தரக்கூடாது என்று அபிமன்யூ கூறி வந்தார். 

குறிப்பாக கூற வேண்டும் என்றால், தெற்குப்பகுதி ஒன்றின் லீடர்  (அவர்  NFTE nominee) அவர்களுக்கு நிர்வாகம் எந்த குறிப்பும் தரக்கூடாது என்று கடிதம் கொடுத்துள்ளார். இதுதான் ஜனநாயகமா? இதனை கேள்வி கேட்க கூடாதா?

ஆதலால் இதுபோன்ற செயல்கள் தொடரக்கூடாது என்று நாம் வெகுகாலமாக வலியுறுத்தியதின் பெயரில் நிர்வாகம் 07-09-2018 ஒரு கடிதம் கொடுத்துள்ளது. அதன்படி கவுன்சில்கான கோரிக்கைகள் இருவரும் அதாவது செயலரும், தலைவரும் சேர்ந்து கையொப்பமிட்டுதான் தரவேண்டும் என்ற வழிகாட்டுதலை கொடுத்துள்ளது.

இதுதான் தோழர் அபிமன்யூவின் கோபத்திற்கு காரணம் . தனது, தான் என்ற நினைப்பில் மண்விழுந்து விட்டதே என்ற கோபத்தின் வெளிப்பாடே இது,

தலைவர் குப்தா 2002-ல் நமது சங்கத்திற்கு மட்டுமே அங்கீகாரம் என்று இருந்தபோது அனைவருக்கும் பங்கு அளித்து பேச்சு வார்த்தைக்கு அழைத்து சென்றதை எப்படி நம்பூதிரி அணியினர் மறந்தனர் என்பது தெரியவில்லை.  NFTE  சங்கம் என்றும் உதட்டளவில் ஒற்றுமையை கட்டியது இல்லை. அது உள்ளபூர்வமாக ஒற்றுமைக்கு இன்றளவும் குரல் கொடுத்து வருகிறது. இனியாவது அபிமன்யூ மாறுவாரா?

வெளியீடு: தோழர்.மதிவாணன், 
                                       தலைவர் ஊழியர் தரப்பு
                                       சென்னை மாநில கவுன்சில்

டெல்லி செய்திகள்

 இன்று ஊழியர்களுக்கான ஊதிய மாற்றக் கூட்டுக்குழுவின் 5வது கூட்டம். இன்று14.09.2018 பிற்பகல் 3.00 மணி அளவில்  டெல்லியில் நடைபெற்றது. இக்கூட்டத்தில் நிர்வாகம் கொடுத்த புதிய ஊதிய நிலைகளை  ஊழியர் தரப்பு ஏற்றுக்கொண்டது. 

இருப்பினும் அதனை துல்லியமாக ஆராய்ந்து முடிவு எடுக்க ஒரு வாரம் கேட்கப்பட்டது. அதனை ஏற்றுக்கொண்ட நிர்வாகம் அடுத்த 28.09.2018 சந்திப்பதாக அறிவித்துள்ளது.

மேலும் இதர சலுகைகளை (ALLOWANCES) பற்றி  விரிவாக பேச ஊழியர் தரப்பு வரும் 

26-09-2018 கூடுகிறது

SEMINAR on 20-09-2018:

சிறப்பு கருத்தரங்கம்

நாள்:20-09-2018
இடம்: கே.கே.நகர் தொலைபேசி இணைப்பகம்
பொருள்: மூன்றாவது ஊதிய குழு பேச்சுவார்த்தை முடிவுகளின் தேவையில்லாத தாமதம் குறித்து”

நேரம்: காலை 11 மணி தொடங்கி மதியம் 
               2  மணிவரை

அனைவருக்கும் மதிய உணவு ஏற்பாடு செய்யப்பட்டுள்ளது.

இதற்கான முயற்சியை நமது NFTE சங்கம் எடுத்துள்ளது. இதில் கலந்து கொள்ள  FNTO/TEPU /AIBSNLEA / NFTCL / SEWA / PEWA முதலிய சங்கங்கள் தங்களது சம்மதத்தை தெரிவித்து உள்ளன. விடுபட்ட சங்கங்களையும் சேர்க்க முயற்சித்து வருகிறோம். இதில் ஓய்வு ஊதியோர் சங்கமும் கலந்து கொள்ள வேண்டுகோள் விடுக்கப்பட்டுள்ளது.

இதற்கு அனைத்து தோழர்கள் கலந்து கொள்ளும் வகையில் “சிறப்பு விடுப்பு” கேட்டு மாநிலச் சங்கத்தின் சார்பாக கடிதம் கொடுக்கப்பட்டு உள்ளது.

அனைத்து மாவட்ட/கோட்ட/கிளை செயலர்கள் பெருவாரியாக அங்கத்தினர்களை திரட்டி கருத்தரங்கில் கலந்து கொள்ள வேண்டும் என மாநிலச் சங்கம் அறிவுறுத்தியுள்ளது.

ஒருகண்ணில் வெண்ணெய் மறுகண்ணில் சுண்ணாம்பு - அனுமதியோம் UNREASONABLE ATTITUDE OF BSNL:

 BSNL நிர்வாகம் மூன்றாவது சம்பள உயர்வு பிரச்சனையில் காட்டும் போக்கு இன்று நமக்கு அதிர்ச்சியை ஏற்படுத்தி உள்ளது.

10-09-2018 ஊழியர் தரப்பு சம்பள பேச்சுவார்த்தைக்காக நிர்வாகத்தை சந்தித்தபோது அதிர்ச்சி அளிக்கும் செய்தி கிடைத்தது. ஊழியர்களுக்கு புதிய சம்பள விகிதம் 0 சதவீதம்முதல் 5 சதவீதம் மட்டுமே தரமுடியும் என நிர்வாகம் கூறியது. அதே சமயத்தில் அதிகாரிகளுக்கு 15% ஊதிய உயர்வு தர சம்மதித்து DOTக்கு கடிதம் எழுதியுள்ளது.

இது மிகப்பெரிய துரோகம் ஆகும். நிர்வாகம் ஒரு கண்ணில் வெண்ணையும் மறு கண்ணில் சுண்ணாம்பும் தடவும் இப்போக்கினை கண்டிக்கிறோம். BSNL நிர்வாகம் DOTக்கு ஊதிய நிர்ணய விஷயத்தில் கடிதம் எழுதும் போது அதிகாரிகளுக்கு 15% உயர்விற்கு ஒத்துக்கொண்டுவிட்டு அதே சமயத்தில் நமக்கு 0-5 சதவீத உயர்வு என்று சொல்வதை ஊழியர் தரப்பு கடுமையாக எதிர்த்துள்ளது. அதனை 10-09-18 நடந்த கூட்டத்தில் ஊழியர் தரப்பு ஆட்சேபித்து பேசியது. 

நமது தரப்பு 15% ஊதிய உயர்வு கேட்பதோடு மட்டுமல்லாமல் பிற அலவன்சுகளையும் உயர்த்தி தர கோரி பேச வேண்டும் என்பது அனைவரின் விருப்பம். நிர்வாகம் 2002-க்கு பிறகு மற்ற அலவன்சுகளை ஊழியருக்கு உயர்த்த ஊழியர் தரப்புடன் பேச தயாரில்லை. 2002-ல் தலைவர் குப்தா நமது பெற்று தந்ததே கடைசி சலுகைகளாகும். கடந்த 11 வருடங்களாக நிர்வாகம் இதனை எப்படியாவது தவிர்த்து வருவது அனைவரும் அறிவர். இரண்டாவது சம்பள கமிஷன் பேச்சு வார்த்தையில் பங்கு பெற NFTE சங்கத்திற்கு வாய்ப்பு கிடைக்கவில்லை. BSNLEU தானே ஆகப்பெரும் அங்கீகரிக்கப்பட்ட சங்கம் என்ற இறுமாப்பில் பேச்சு வார்த்தையில் தனிஒரு சங்கமாக பங்கேற்றது. நிர்வாகம் லாபம் வந்த பிறகு மற்ற அலவன்சுகளை ஏற்றித்தருகிறேன் என்ற கூறிய பம்மாத்து பேச்சில் மயங்கி அதனை ஒத்துக்கொண்டு கையெழுத்திட்டது. ஆனால் நடந்தது என்ன?  நிர்வாகம் 2009 இல் இருந்து ”இல்லை” என்ற இதே பல்லவியை பாடிக் கொண்டு வருகிறது. 

மக்கள் உபயோகிக்கும் பல்வேறு பொருள்கள் விலை உயர்ந்தும் நமது அலவன்சுகள் உயரவில்லை என்பதுதான் வேதனை. ஆதலால் சம்பள உயர்வோடு நாம் மற்ற அலவன்சுகள் (perks and allowances) உயரவும் பேச்சு வார்த்தை நடத்த வேண்டும் என்பது அனைத்து ஊழியர்களின்  விருப்பம் ஆகும்.

வெளியீடு: சென்னை தொலைபேசி NFTE-BSNL

மாவட்டச் செயற்குழு கூட்டம்

தலைமை:N.V.சோமசுந்த்ரம்

நாள்: 18-9-18 செவ்வாய்க் கிழமை

                 நேரம்: காலை 11 மணி

இடம்: சங்க அலுவலகம், கிண்டி

சிறப்புரை: சி.கே.மதிவாணன் 

மாநிலச் செயலர்

நிகழ்ச்சி நிரல்

1. ஊழியர் உபரி பகிர்ந்தளிப்பு (Re-deployment)

2. கோட்ட மாநாடுகள் - தேதிகள் முடிவு

3. அகில இந்திய செயற்குழு

4 , மூன்றாவது ஊதிய உயர்வு - தற்போதய நிலை

5. இன்ன பிற தலைவர் அனுமதியுடன்

அனைத்து மாவட்டச் சங்க நிர்வாகிகள், கோட்டச் செயலர்கள், சிறப்பு அழைப்பாளர்கள் அனைவரும் தவறாமல் குறித்த நேரத்தில் பங்கேற்க வேண்டும்.

-S. ஏகாம்பரம்

மாவட்டச் செயலர்.

NFTE- BSNL  சென்னை தொலைபேசி மாநிலத்தின் பொதுக்குழு கூட்டம் இன்று மாநிலத்துணைத் தலைவர் S.C. போஸ் தலைமையில் நடைபெற்றது.தோழர்.ப்ரேம் திவாரி மாவட்டச்செயலர் இந்தூர் (ம.பி) அவரது மனைவி டாக்டர்.மஞ்சுளா திவாரி இருவரும் சிறப்பு விருந்தினர்களாக கலந்து கொண்டனர். இருவரும் மாநிலச் சங்கத்தால் மரியாதை செய்யப்பட்டனர்.

 

தோழர்.இளங்கோவன் மாநில உதவிச் செயலர் ஊழியர் உபரி பகிர்ந்தளிப்பு பிரச்சனையில் இருசங்கங்கள் நிர்வாகத்தோடு நடத்திய பேச்சுவார்த்தை விபரங்களை தெரிவித்தார்.

 

தோழர்.மாநிலச் செயலர் சி.கே.மதிவாணன் அவர்கள் பேசும்போது நடக்க இருக்கும் ஹரித்துவார் அகில இந்திய செயற்குழு பற்றியும் மூன்றாவது சம்பளப் பேச்சுவார்த்தை தற்போதய நிலைமை பற்றியும் பேசினார்.

 

அனைவரும் இந்த மாதம் ஓய்வுபெற இருக்கும் மாநில அமைப்பு செயலர் வெங்கடராஜ் அவர்களின் பிரிவு உபசார விழாவில் 28-09-18 அண்ணாசாலை இணைப்பகத்தில் கலந்து கொள்ள வேண்டும் என வேண்டுகோள் விடுத்தார்.

 

சில கோட்டங்களின் வேண்டுகோளுக்கிணங்க கோட்ட மாநாட்டு தேதிகள் மாற்றி அமைக்கப்பட்டன. கேரளா வெள்ள நிவாரண நிதி நேரடியாக கேரள முதல் அமைச்சரின் நிவாரண நிதியில் சேர்க்கப்பட வேண்டும் அது பிரதம மந்திரி நிவாரணநிதி மூலமாக போக்க்கூடாது என்ற அனைவரது கருத்தும் அகில இந்திய சங்கத்திற்கு தெரிவிக்கப்படும் என்று கூறினார்.

 

இதற்கு நேரடியாக பிரதம மந்திரி நிவாரண நிதிக்கோ மத்திய சங்கம் மூலமாகவோ அளிக்க உறுப்பினர்கள் விரும்பவில்லை மேலும் சென்னை தொலைபேசி சார்பாக ரூ.1 லட்சம் திரட்டி தரப்படும் என்றும் தெரிவித்தார்.

இது குறித்து மாநிலச் சங்கம் தனது நிலைபாட்டினை அகில இந்திய சங்கத்திற்கு 20-09-18-க்கு முன் தெரிவிப்பதன்மூலம் சம்பளத்திலிந்து பிடித்தம் செய்வது நிறுத்தப்படும் என்றும் தெரிவித்தார்.

புதிதாக தேர்ந்தெடுக்கப்பட்ட துறைமுகம் கோட்டச் செயலர் சோலைராஜ் நன்றி கூறி கூட்டத்தினை முடித்து வைத்தார்

Meeting with Director ( PSU) :

 :டைரக்டர் (பொது துறை நிறுவனங்கள்) சந்திப்பு:

நேற்று 05-09-2018  NFTE- BSNL அகில இந்திய தலைவர் மற்றும் பொதுச் செயலர் இருவரும் டைரக்டர் (பொதுத்துறை) தொலைதொடர்பு பகுதி அவர்களை சந்தித்து புதிய சம்பள விகிதம் அமைப்பதற்கான சிறப்பு அமைச்சக தளர்வு குறிப்புகள் இதுவரை தயார் செய்யப்படவில்லை என்பதை கேட்டு அறிந்தனர். அமைச்சகத்தின் இந்த குறிப்பிற்கு பிறகே புதிய சம்பள பேச்சு வார்த்தை நடைபெறும் என்பதை அனைவரும் அறிவர்.

நம்முடைய அதிகாரிகள் மற்றும் ஊழியர் கூட்டமைப்பின் சார்பாக தொலைதொடர்பு அமைச்சர் திரு.மனோஜ் சின்ஹா அவர்களை பிப்ரவரி மாதம் சந்தித்தபோது அமைச்சரவைக்கான குறிப்பு மார்ச் 2018 இறுதிக்குள் அனுப்பப்பட்டு ஒப்புதல் பெறப்படும் என்ற தகவல் கிடைத்தது. ஆனால் ஆறு மாதங்கள் ஆகியும் ஒரு இன்ச் கூட முன்னேற்றமில்லை அதே நிலை தொடர்கிறது. இதுகுறித்து தலைவர்கள் பலமுறை சந்தித்து முயற்சித்தபோது எந்த முன்னேற்றமுன் இல்லை. 

அரசியல் வட்டாரத்தில் பார்லிமெண்ட் தேர்தல் வரும் மத்திய பிரதேசம், ராஜஸ்தான் உள்ளிட்ட சில மாநிலத் தேர்தலுடன் நடத்தப்படலாம் என்ற வதந்தி பரவலாக கேட்கப்படுகிறது.  இது போன்ற சூழலில் அதிகாரிகள் மற்றும் ஊழியருக்கான புதிய ஊதிய நிர்ணயம் அமைப்பதில் இன்னும் காலதாமதம் ஆகலாமோ என்ற கவலை அனைவரையும் சூழ்ந்துள்ளது. நமக்கு புதிய சம்பள விகிதம் 01-01-2017 அன்று கிடைத்திருக்கவேண்டும். ஏனென்றால் 2007 ஊதிய பேச்சு வார்த்தை நடத்தி 10 வருடம் கழித்து புதிய ஊதிய பேச்சு வார்த்தை என்ற உறுதிமொழி அரசு அளித்ததாக அன்று ஒப்பந்தம் போட்ட BSNLEU தலைவர்கள் கூறினர்.  அது என்ன ஆனது என்று பதிலில்லை. 

இனியும் தாமதம் செய்திடாமல் (ஏற்கெனவே 20 மாதம் ஆகிவிட்டது) நாம் போராட்டத்தை தீவிரப்படுத்த வேண்டும். இல்லையென்றால் அரசு தேர்தலை காரணம் காட்டி தப்பிக்க முயலலாம்!!

.